((الفقر علينا عمل حصار
))
//////////////////////////////////////////////
المواطن
********
شررف ياصندوق الفرجه
وعلينا أتفرج
كل ماتضيق علينا الحاله
بنقول بتفرج
المصروف طاير عم بيعلي
ونحنا لاحقينو
لكن بس ياالف خساره
ع الجحش الأعرج
///////////////////////////////////////
الراتب
*******
دخلك ياعمي المصروف
كرامه لالله هدي
عم بركض وراك ملهوف
ودموعي ع خدي
مسكين معتر منتوف
لقمه ماعندي
بحياتك خليك عطوف
تعا خود بيدي
///////////////////////////////////////
المصروف
*********
ياعمي لاتتعب حالك
انا بدي مصاري
وعلوه تبيع عيالك
ما بتطفي ناري
ولا يخطر شي مره ع بالك ماتدوق مراري
تصافحني وتلعب بعقلي
ت تكسب ودي
///////////////////////////////////////
الراتب
********
ياسيدي وياتاج راسي
حننلي قلبك
لاتكون عليي قاسي
كرامه لربك
ليش تصرخ فيني وتقللي
بالحاويه بكبك
اترجيتك أنقطعوا انفاسي
وتقللي مابدي
///////////////////////////////////////
المصروف
*********
لك حاجه ضبللي لسانك
واتركني بحالي
ومهما بتلعي وتتحونك
ولاعلى بالي
هي ايدي حطيتا ع خدي
واسمع موالي
ليلي ليلي ياعيني ياليلي
وياازمه أشتدي
///////////////////////////////////////
الموال
********
راح البسط والفرح
والكيف أنتزع
أبكي وقول ياحيف
الخير أنقطع
تأجرنا بايدو السيف
الاسمو الطمع
بعنا الفراش واللحيف
وعايشن ع الوجع
//////////////////////////////////////
ياحكومه قولي للتاجر
هالحبس اللقمه
ألمواطن عمال يهاجر
هربان م النقمه
ياتاجرنا بجاهك بتفاخر
وبتشد الهمه
ولما اقلك ارحم،،،، بتقللي
بلا علاك مصدي
//////////////////////////////////////
شعر ؛ d.. نذيردهان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.