.................
كل منا كان راكب دماغه
والعند دخلنا في سباق
اهزم حبيبك جيب داغه
كل السككك هجر وفراق
العناد روحنا معاه لأبعد حد
بأيدينا دبحناه طير الوداد
غاب الشوق ومات الود
الحب ضيعناه وسط الضباب
العتاب لقاناه طريقه سد
رجعنا ندور على باب قفلناه بعنادنا
ليه اختارنا طريق الهوان
الحنان والأمان عليه قسينا
العند سقانا كاس الحرمان
والحب ضاع من إيدينا
لا الشوق دق باب الحنين
رايحين تايهين لسكة الفراق
مات الإشتياق واتسرسبت السنين
ولا حسيين بقلوب العشاق
ولا فى دماغنا
راح فين الشوق والحنين
حر الإشتياق قاد شمعنا
قلبين فى الحب دايبين
لكن ريح العند فرق شملنا
سال دمعنا من نار الوجد
الحلم اتهد طال الخصام
الملام مد وصال الصد
السهد حرم العين المنام
مادام العهد اللي وعدناه نسياناه وكبرنا دماغنا
الليل طال والشوق رحال
الموال غنا بلون الجراح
راح الأمان اتبدل الحال
أنشغل البال والفكر سواح
لاح للعين شريط الزكريات
حكايات فيها شوق وهيام
أحلام عشناها اجمل ساعات
ف لحظات بدلها العند ألام
والحلم ركام وركبنا دماغنا
.........
بقلم.الشاعر
الأمير_محمود
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.