***********
بقلمي✍️السيد عطاالله
يا قمر ف السما عالي
غيرك ابدا ما يحلالي
بأشواقي أنا مستنيك
تنزل لي هنا يا غالي
زرعت لك بستان غناوي
أنا لجمالك ونورك غاوي
أغني مواويل بس ليك
بس أنت تعالى لو ناوي
لأغزل لك من شعري
حروف تزين سطري
تنطق اسمك تناديك
هاستناك طول عمري
من شوقي عملت فستان
بدمي رسمت حب وحنان
و شعاع نور دايب فيك
قمري بعشقه في كل زمان
أنت الامل اللي جاي
انت عشقي و هواي
في قلبي أنا اخبيك
أنت قمر ينور سماي
كلمات السيد عطاالله.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.