متخافوش مش عايز أشوفها
ولا في يوم هاقف في طريقها
خلاص أنا بقيت مفارقها
وعيوني كرهت نظراتها
لما وقعت صورتي من عيونها
وهان عليها جرحي وبعدي عنها
حياتي إتلغبطت بكلمه منها
وإنتو خايفين عليا ولا عليها
شفتو إزاي شدت من إديا إديها
ومهمهاش دموعي إللي نزلت علشنها
ولسه فاكرين إني عاوز أشوفها
أنا حبيت حياتي من غيرها
وهانسي ذكرياتي الحلوه إللي معاها
وجروحها إللي في قلبي مش هادويها
علشان أفضل فاكر لحظة فراقها
ولو سيرتها جت قدامي هاعديها
وإللي هي فيه خليها براحتها
وياعالم هاتوديها فين أحاسيسها
قلبي هاينساها ويفكر في غيرها
وعيوني كمان مسحت منها صورتها
وأكيد هاكون أحسن في غيابها
وأحول حزني لقوه والفضل لجرحها
وهاكون أقوي وفوق خيالها وتفكيرها
والأيام كفيله وبالدليل هاتسبتلها
إنها خسرتني مش أنا إللي خسرتها
علشان قالت إنت أناني قبل رحيلها
خليها تشوف حقيقة كل إللي حوليها
ومن غير عتاب هامشي ومسامحا
وهى هاتعيش مخدوعه طول عمرها
علشان فاكره إني أنا إللي جرحتها
متخافوش
صموئيل فايق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.