حلمت انك بتسقيني
الحنان..سرسوب
وانا من كتر ماعانيته
حلفت لاتوب..
كفايه غياب..كفايه عذاب
كفايه ذنوب...
كفايه ضيقة الأحوال
كفايه كروب...
كفايه ضحك علي قلبي
كفايه هروب ..
لا عمرك راح تكوني ناعسه
وانا في الصبر مش ايوب
عينيك كتير بتغويني ..
علي العصيان تقويني..
وبانسي ساعات فروض ديني
لا حبك ميه من زمزم...
ولا م النار حاتعفيني ..
انا بادعي اني انساكي
وانسي عذابي في هواك
وحرمان شفته وياك..
فلو بالمره تنسيني..
جميلك يبقي علي عيني
وبلاش احلام.
...... .......
شعر/نصر سيد بدر..القاهره
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.