هونت عليك ياحبيبى وبعت
بعت حبى والاغانى
بعت عمرى والامانى
ليه بتجرح قلب حبك
ليه بترميه بسهم غدرك
كنت ليك مينا ومرسى
فرحة بلون حياتك
ياللى خدت الحب لعبة
وقت تتسلى ف فراغك
ياللى عايش بالف وش
على الجميع لازم تلف
تسحر العقل بكلامك
تخطف القلب بغرامك
كلمتين طلع النهار
والنهار يسبق خصامك
زى ديب جعان وشارد
صيدة ف السكة بخفه
عشت ليك الحب نور
بس قلبك كان ضلام
قلبى شايل جوة منه
حالة نادرة م الهيام
صبحه يتلون بليله
لو حبيبه مال لغيره
ينسى روحه وسط غدرك
كاس غرامك مر علقم
بس اقولك انتصارك
حلو متحلي بمرارك
كل شئ ف الحب فات
مات معاه الامنيات
بس والقلب اللى حبك
واللي مات عز السكات
لنسي كل القسوة ومنك
واحي قلبي لما مات
بقلم / امل محمود عبد الرازق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.