.....
هديتي
قلب شايل حب العمر ليكي
عديتي
عمر مش هأعيشه الا بيكي
بسمتي
صعب تكون لحد غير عينيكي
لهفتي
هتكون لهفة عاشق لما يلاقيكي
غنوتي
سهرانة ليل العاشقين توصف فيكي
حبيبتي
راسمك نجوم ورسمتك قمر
وأنا عشقي ف سماكي سهر
لو عدي لحظة بيننا السحاب
بتبقي سنين وقلبي بينتظر
حبيبتي
جايلك بقلبي وعيوني وزماني
حالف ما أعيش بعدك حب تاني
نفسي أعيشك ولو عمري ثواني
كفاية عشت لحظة حبيب القمر
حبيبتي
من امتي الحب بيتحسب بالسنين
وأنا قبلك عشت ألف ليل حزن وأنين
ما تسأليش أنا كنت ايه أو كنت مين
احنا حبيبين جمعنا ف ليلة حب القدر
حبيبتي
مش عايز أعرف أي شئ م الذكريات
ياللا نعيش ده العمر يادوب ساعات
ننسي طبع البشر وننسي اللي فات
خليني أعيش الحب ليلة جنب القمر
.... أيمن بلال ....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.