أديب د/ وحيد محروس خليل
رومانسية
الحب الحقيقي
إني ما أحبش غير نفسي
تعبت كتير
وياما جيت على نفسي
وأحضن روحي
وأداوي جروحي
ومركبي على شط
الحياة ترسي *****
$$$$$
وأعوض نفسي
عن كل إللي شوفته
وأنسى الجراح والألم
يوم دوقته وعرفته
مش هقدر أصبر تاني
سيبيني بقى وإنسي *****
$$$$$
ماحدش قدر
يوم يادنيا لوعتي
ورحم عذابي
وسنين لهيبي
ونار دمعتي
وهقول للفرح
أهلا بيك وأقول
للحزن أمشي *****
$$$$$
كنت فاكر
إن الحياة
في يوم هتعوضني
لكن كل ما أصبر وأتحمل
تذل فيا تمرمطني
حرام أنام ودمعي
على خدي ومكحلة
الأحزان رمشي *****
$$$$$
نفسي خلاص هحبها
وأخدها ف أحضاني
مش هسمح لروحي أذلها
وأكسرها من تاني
أنا ياما شوفت
فيكي يادنيا كتير
لكن ما بتكلمش *****
$$$$$
هنسى إللي كان
وغدر الزمان
وهعيش لروحي
وأنسى إللي باع
آه وإللي خان
وصحى جروحي
لجل أفرح في يوم
وأنسى الهموم
وعمري ما أتألمش *****
$$$$$
وداع يا كل
إللي كسرني
وجه يوم عليا
ماهو النسيان
نعمة جميلة
ومتجربة ١٠٠/ ١٠٠
لازم أعيش
أنا بالأمل
ولليأس عمري
ما أستسلمش *****
$$$$$
الحب الحقيقي
أديب د/ وحيد محروس خليل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.