-------------/
( العيد عيد الفرحة..... والفرحة اعذاب )
( زجل)
أنا ازحمت أو ولدت الدرهم
شريتو شحمة لحمة و اعضم
خيروني بين اسبليوني أو بلدي
قلت :
لفلوس اللٌِي فالجيب على قدي
و الهم كيف كيف.!
كيف
طابة كيف الكيف.!
* يوم من ليام ايدوز باش راد الله.!
الصردي باكَرونو غالي
احسن منو....البرتغالي
قال الشناق :
ها أنت خذ البركي
قلت لو :
ناخذ على جهدي
نشري ابطانة
أو..هيضورة
االجنسية مغربية
شي امعيزة بلدية
علف الخنزير
ويلي.......منو.!
( الفروج احمر دايز فالنحيرة )
(راه الزين سومو غالي)
( أنا راجل بيطالي)
ذ/ العابد عبد الرحيم :
28/ 06/2023
ملهمتي الفقيه بن صالح المغرب تكتب للقراء عامة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.