خُد بالك قبل ماتختار لف دار ورا دار
قالوا ف الأمثال قبل ماتناسب حاسب
حاسب م النهارده وبكره
وغدرة المستخبي قبل مايبان
واللي ماتعرفوش ومخبيه الزمان
واوعىٰ تحتار وانت بتختار
واسأل عقلك يقولك وقلبك يدلك
واستشير الكبار
اصل الاختيار زي الليل والنهار
وزي الطيخه
شكلها جميل تشتهيها النفس وتاخد العين
ياتكون حلوه ومسكره
ياتكون ماسخه ومش عارف ترميها فين
إسأل وشوف واعرف الاحوال
من اهل الحته والجيران
إسأل عن الأم أصل الأم عنوان
وسيريتها مع الجيران
ماهي أول مدرسه للعلم والايمان
ياتكون علقم زي الحنضل
ولسانها يلدغ زي التعبان
ياتكون رمز الموده والراحه والأمان
خُدها نصيحه قبل ماتناسب حاسب
واسأل اللي اتعلم م السنين ومُر الزمان
ابراهيم محمد آدم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.