شغلك هذاك
***
شغلك هذاك
ما يهزني كرهك...
ما يحركني هواك
شغلك هذاك
ما انت ارضي ما انا سماك
بل ما انت فراشي...
ؤ ما انا غطاك
فبلاما تحايل وتراوغ
لحقد بين عينيك باين ساطع
مضى مواسو شلاهبي افاك
غرب او شرق
غرق في القيل ؤ برقق
صغير في الميزان مشركة مرماك
بل نار الشر في جوفك شاعلة
لا سماحة لا طيبة لعقلية مايعة
كلها ؤ قياسو ...
عبارو فبلاما تخلط عفاك
بينك وحبة لفهامة مسافة
بيئة راشية لكذوب والسخافة
قلة الحشمة والعيب في ل رباك
فلا تحول رماد قبحك سواك
ترد كذباتك كْحُل سنطيحة ؤ لالة ؤ مالي
ذيك الضحكة الصفراء ل حار فيها سؤالي
ساكنك نقص الماضي...
ؤ راك ساير تسرسر والخش ل معاك
شغل هذاك
ما متسني منك محبة ولا احسان
شبعان الحمد لله وجواهري بيان
ما معلق فين نتفلق ...
ؤ ذاك الخير في راسك ديرو يا لاه يكفاك
لمراض دواهم لوح والصرامة
يتحل ذاك لمخ العامر قمامة
تعود بنادم عبار ...
ومن ذيك بلابلا شد لجامك ولغاك
شغلك هذاك
ؤ كلها ؤشغالو
هذا لقلب سميح عامر خير نقية قوالو
مأصل اصيل والطيبة بحور وأفلاك
لاخر بغى يبان وعلى لهلال يتعالى
نرجسي ناقص عيان طبايعو بدالة
ما ترجى فيه خير ...
ما تصاحبو ما تشاركو لغاك
شغلك هذاك
انا طريقي بالصفا والنقا تفوح
حروف راس مالي ؤبها طهرت الروح
عمر القلب سماحة...
ولي غذاك ب اللبن هناك
شغلك هذاك
***الشاعر والزجال: أحمد الكندودي ***المغرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.