🌺🌺🌺🌺🌺
كل حاجة في الحياة . وأخرها جداً
يعني حلمك لما تاه . بقى صعب جداً
حتى جرحك قالها أااه . بالعالي جداً
ضحكة جاية من الوجع . كدابة جداً
دمعة نازلة من الألم . وكتيرة جداً
حتى تمن الفرح زاد . بقى غالي جداً
أصل كلمة الانبساط . دي شحيحة جداً
قلبك اللي كان شباب . ماهو شاب وجداً
كل لحظة نقول دا مات . شيء عادي جداً
لما قطر العمر فات . وبسرعة جداً
واللي عشناه ذكريات . وحشانا جداً
ايوة كلمة الطفولة . بريئة جداً
حلمنا وافكار خيالنا . بسيطة جداً
ياخي بردوا اتغيرت . لغريبة جداً
دنيا فيها اللعبة دايرة . طويلة جداً
لعبة فيها شروط كتير . ممنوعة جداً
يعني لو عندك ضمير . تنساه وجداً
والآمال تبعد تطير . وبعيدة جداً
حلوة رسمة السراب . طبيعية جداً
ولا نظرة الإكتئاب . ماهي واضحة جداً
كلمة من أخر الكتاب . موصوفة جداً
نفسي جدا . تبقى فرحة . ولا ضحكة
وف ساعتها نقول . دي جداً جداً جداً
🌺🌺🌺🌺🌺🌺🌺🌺🌺🌺
شادوليات
خارج عن المألوف
من ديوان حكايات أمي والفروجتين
شاذلي محمد عبدالرحمن حسين .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.