))
//////////////////////////////////////////
ويلي
******
شد عزماتك ياخيي
بحياتك شد
سألتوشو صابك يا حبيبي
قال خيي عد
ربو على جلطه
ومرشح للسرطان
يلعن ابوكي ياسيجاره
لسابع جد
//////////////////////////////////////////
لوم
*****
ياسيجاره قطعتي نفسي
قولي شو اللي بيني وبينك
أبوسك وأنتي بتمي بتفسي
حطي حصوة ملح بعينك
//////////////////////////////////////////
تحريض
*******
قللي صاحبي اتدردح
صرت بالعشرين
يعني شب أسم الله
مين متلك مين
خود سيجاره من أيدي
ورح تدعيلي
تصير شخصيه وقيمه
أنا م الناصحين
//////////////////////////////////////////
تدرج
******
وأخدت أول سحبه يا سلملم
سلم ياسلام
وبتاني سحبه ياعيني
سلطنت تمام
والسحبه التالته كرامه
ل الله يا يوم
مضت وراقي الخنزيره
وحكمتني اعدام
/////////////////////////////////////////
عتاب
*****
ليش تعزمني ع سيجاره
وتقللي إشراب
من غير سيجاره يا حبيبي
هالدنيا خراب
حرام عليك تبليني
الله يذلك
يامين يساعدني ت أنساها
وينالو ثواب
//////////////////////////////////////////
نصيحه
******
نصيحة مني يا عالم
صاحبتا سنين
ما شفت منها ياساتر
الا سكاكين
قطعت كبدي وساوتني
تلفان وعليل
نهاري وليلي ياويلي
عم أعن عنين
//////////////////////////////////////////
شعر ؛ d,, نذيردهان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.