بقلم / نجلاء علي
فين قاعدة زمان وضحكتنا واللمه
شويه مخلل وبتنجان وحبة طعميه
والفرحه حوالينا قاعدة ع الطبليه
لقمه صغيره بسيطه لكن هنيه
علشان كنا بنحب بعض بالنيه
نيتنا صافيه ومفيهاش أنانيه
أمي وأبويا وللمه مستنيه
كان وقتها لينا كتير صحاب
ولاد حته واحده بس أحباب
مش مهم مين مجبش ومين جاب
لكن كان مهم مين فينا مجاش وغاب
الليالى كانت جميله فى كل مكان
كنا نسهر ونلعب الحجله جنب الدكان
مكنش حد بيزعل والناس مليانه حنان
كنا بجد عيشيين ودنيتنا كلها جنان
جنانا جميل لعب وضحك وأحضان
مكنش فيه حد يقدر يشوف دمعة عين ع التانى
مفيش حد فينا وحش ولا كان أناني
وكلمتنا كانت لغيرنا عشم ومتتألش تاني
كل حاجه مجابه والحياة عجباني
لمتنا وقتها زى الشجرة عامله ضوليله
صحاب وأرايب وأخوات وكل العيله
كنا ايد واحده ومع بعض هيله هيله
فرحتنا بنقسمها وأحزنا بنشلها شيله
كان زمان زى مابيقولوا هيله بيله
ولما عدت السنيين لقينا نفسنا متفرئين
الوشوش أتغيرت ولو أتقابلنا منعرفش مين
ده غير اللى راح مننا ولارجعش وساب أنين
هو إحنا اللى أتغيرنا ولا الحياه والسنين
ولا إحنا لما كبيرنا لقينا نفسنا متغيرين
هو لي حولنا حياتنا لحرب والبقاء للأقوى
لي الضعيف فينا وحيد غيره عليه بستؤى
أمال فين راحت الحنيه ولا فين التؤي
بقت كلها مظاهر والباقى كلام جرحه أئوى
حياتنا كانت مجرد لقطه فى صوره
كلمه حب مكتوبه على صبوره
سهله تتمسح وتبان الفوله
وبقينا أحنا زى ماأحنا وحاجات مش مفهومه
ألغاز وأحاجى وكلمات مقطوعه
وتفضل حكايتنا حكايه حياة منقوله
وكل حياة عن التاني صعبه ومفصوله
كل واحد فى حالوا وملكش دعوه معدوله ولا مقلوبه
دى حياة أنكتبت عليك ولازم عندك تبقى مقبوله
فروضك أولها طاعه وأوامر مش مقبوله
سجان ولجام وأحكام على ناس بينا مظلومه
حياتك مش من إختيارك لكنها عليك مفروضه
لاعيش ولاملح ولاحتى عشره تلاقيها مكسوره
سباق وداير واللى بيقع فيها ملهوش قومه
قول حاضر ونعم ومتسألش عن حاجه
مش منحقك تعرف لى ولا تقول نفسك محتاجه
تبقى عايش تطيع وتقول سمعا وطاعه
أنت مبقاش من حقك أى حاجه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.