********
ا.............................................................ا
ا
ياليل هدي شوي وعاحبنا تاٌنى
خلي عصافير الامل عالصبح تتهنى
ا
خلي عصافير الامل تعانق النجمات
ومخدة حلم مجنون عالورد تحملنا
ا
خلي الحلم مشغول يصرخ الاهات
بلكي شي نفحة فرح يوم توصلنا
ا
خلي خيوط الفجر تعجن الهمسات
تخبز محبة وشوق والغزل يشبعنا
ا
دفي شعاع الشمس بعيونها الحلوات
واكتبي عالريح حكاية امل عشنا
ا
عزف العشق عالغيم بتنقصو لمسات
ونحنا عزفنا الغزل بالكاس دوبنا
ا
صارت حروف المسا تكتب حكايات
ونسمات وجه الصبح عالحب تسألنا
ا
هونيك عامواج البحر سطري ابيات
كل الحواري تصير مراسلة النا
ا
ياليل عاجناحك شو مسّحو بدمعات
خلي عصافير الرجا شوي تستنا
ا
ياحلم حاج تدق عاروحي مساويات
تعبت حروف الشوق وهيي بتتمنى
ا
ياليل هدي شوي ياريت تستنا
بعدو الفجر ماطل حامل امل النا
ا
ا***********************************ا
صباح الامل والرجاء
كل الاحبة
ا-------------------------------------ا
الشاعر السوري المهجري - د اليان سمعان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.