***********
بسم الله
علي أحلي جنوده
قولوا وزيدوا
وأرجعوا عيدوا
الجندي المصري
العزه ف أيده
شهامه كرامه
ف دم وريده
نصر الأمه
هيبقي على أيده
جندي وحالف
يحمي الأرض
ويحفظ بصدره
المال والعرض
كتب أسمه
بالطول والعرض
حتي الموت
ومصلي الفرض
ودايماً شايل
مصحف ف أيده
وحش وواقف
على الحدود
واجه جيش
وعدو لدود
ولا همه
كتر الجنود
أنتصاراته
بتجري ف وريده
راجل وصاحي
طول الدهر
جندي أصيل
ودمه حر
حتى أن كان
وقت الفجر
يقظ بهمه
وحامي حدوده
طول عمره يواجه
حرافيش
لو حتى مهرب
حشيش
وأتفق مع اقوى
جيوش
شهم رجيل
وما بيهموش
حالف ياخد
حقه بأيده
هزم كتير
كتايب أرهاب
همهم تبقى
بلده خراب
ما يهيبه
جيش ولا دبابه
ولا شئ يثنيه
عن حفظ حدوده
واحده يواجه
ألف كتيبه
بشجاعته
ما بيعرف خيبه
ولو أسلحته
حتي خفيفه
ناصره المولي
بوصف الخيره
ووصفه النبي
بخير جنوده
**************
محمد ابوالعلا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.