أديب د/ وحيد محروس خليل
شعبية
بداري عيني
لتبان في يوم دمعتي
مظلوم من سنيني
ولا حد قدر يوم لوعتي
الدمع سايل وبيكوي
ويجرح في خدي
والحزن كأنه توب
ومتفصل يادوب على قدي
مش طالب أي شيء يادنيا
غير إنك ترجعيلي فرحتي ....
**********
قالوا زمان في الأمثال
إللي أتكتب على الجبين
لازم وحتماً تشوفه العين
وأنا خلاص تعبت ياناس
من كتر البكا ومن الآنين
حتى إللي مني
هان عليهم يجرحوني
ما أفتكروا عشرة ولا عيش وملح
وفي النار رموني
ياخسارة السنين عاللي كانوا
هما السبب في شكوتي ....
**********
مهما تكوش ياظالم
حق المظلوم مسيره راجع
إحذر دعاه وعذاب الله
ربنا سبحانه شاهد وسامع
هو إللي خالق الكون والبشر
وعالم بأسراره
وعلى رأي المثل كل واحد
بيكوش على ناره
أنا صابر وراضي وأكيد في يوم
المولى هيستجيب دعوتي ....
**********
الحق لازم يتحقق في الدنيا
مهما هيتحارب
وطريقه للكل واضح ومعلوم
بقى للي حابب
أحنا عايشين وسط البشر
مش عايشين في غابة
والغدر والغش والخيانة
دول من طبع الديابة
والحكم ليك ياربي
ومستني وعدك بنصرتي ....
**********
آه ياعيني من أفعال البشر
ويا مليون ندامة
الحق والباطل في صراع
لحد يوم القيامة
إللي ناهب وإللي ظالم
بيحدد بإيده مصيره
ظالم لناسه ودايماً طمعان
للي في إيد غيره
ونسي إن المولى أقسم وقال
وجلالي وعزتي ....
**********
بداري عيني
أديب د/ وحيد محروس خليل
(( فارس القلم الحزين ))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.