يا للي راحه في بيت غريب
بكره يبقى لك صديق
بكره هايكون لك حبيب
حافظي على سره و صونيه
و لأوامره نفذيه
حد شرع الله طيعيه
لو فقير انت تعينيه
في الطلبات ما ترهقيه
لو به عله انت تداويه
سيبك من اللي حواليه
خليكي انت نور عينيه
هو لك و انت ليه
انت اللي تخافي عليه
لو به عيب انت تداريه
ربه ساتره ما تفضحيه
مش ها اقول ازاي عامليه
دايما كوني مخلصه ليه
في شبابه الكل جنبه
كلهم عاملين حبايبه
لو وقع الكل سايبه
انت وحدك اللي تشيليه
لا أخ و لا أخت باقين له
ييجي وقت يستغنوا عنه
كل واحد عنده همه
انتي وحدك اللي تشيليه
لو غضب هوني عليه
و ان حزن انت تواسيه
انت برده سكن ليه
ما فيش حد يشاركك فيه
لو عليل باقيلك انت
لو سليم اتهنى بيه
لو فقير اقسمي اللقمه
اوعي لحد تحوجيه
لو بكى يوم على صدرك
ما تقوليش لأقرب الناس له
انت أقرب له الوقتي
شرع ربي سكن ليه
لو قلتي حتى لأقاربه
انت كده راح تضعفيه
هو معاك يبقى ابنك
و انت برده أم ليه
لو يوم خرجتي سره
عمرك يوم ما تأمنيه
ها يفضل شايله في صدره
حتى الزمان ما هينسيه
كل لحظه يقول و يعيد
مهما كنت مخلصه ليه
خليكم كتاب مقفول
انت و هوه تكتبوه
عمرك شوفتي أي عيله
تقول ازاي تمشيه
دول معازيم الفرح
يتهنى بيك تتهنى بيه
ما في حد يرسم حياتك
بريشه واحده إيدك في ايديه
اللي عاملين حبايبه
يوم تقعوا طب نعمل أيه
مش هوصي أكتر من كده
بين رموشك اتكحلي بيه
هني نفسك و هنيه
اوعي يوم تحكي لي عليه
هو مرايتك حافظي عليه
عن أهله ما تبعديه
صلة الرحم و وصيه
الوحيد اللي تسمعيه
اوعى لفراشه تهجريه
خلي عينك على عينيه
شوفي عنيه طالبه ايه
قبل ما يقول نفذيه
انت راحه بس ليه
انت أقرب له الوقتي
سكن لك و سكن ليه
(((أسامه جديانه)))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.