جوه قلبي .. الشاعر نصر سيد بدر القاهره

جوه قلبي

خلي بالك.. ان انا

من كلمه حلوه قولتها لك

اكتشفتي اني غريق.. 

في بحور جمالك.. 

واكتشفتي اني بحبك 

فوق ما يتصور خيالك

عمرى ما انسي.. ان قلبي

تاه.. واتغرب.. نادى لك.. 

واما جيتي.. قلبي اتوضي ودعالك

حس قلبي يومها فرحه.. 

وكل عمرى وذكرياتي وهبتها لك 

بس ليه ياغاليه بتزيدى في دلالك؟؟ 

وفي عنادك.. وفي انيني؟؟ 

بعتي حبي.. وضاع حنيني

وابتدا الجرح اللي غير 

لون سنيني.... 

يومها لف الدنيا شيء.. 

زي الخريف.. 

يومها عاش قلبي في جراح

زاد النزيف... 

قلبي كان مليان مشاعر

حبي ليكي كان عفيف.. 

..... ...... .... 

نفسى اقول لك ان حبك

جوه قلبي.. ما انتهاش.. 

والنهايه كلمه مره... 

ياغاليه انا ما كتبتهاش.. 

حتي لو قلبي في حبك

مات.. ما عاش.. 

لسه حبك جوه قلبي.. 

ما انتهاش.. 

لسه حبك جوه قلبي

ما اتنساش. 

........ .......... 

شعر/نصر سيد بدر القاهره 

@ اشاره @ الجميع