🇯🇴 يا فلسطين
حاسِين .. شايفِين .. سامعِين
والكُل حزين
يا واجعة الروح .. وحارقة العين
بِكُل قذيفة وكل صاروخ
نازِل ..
عامِل جُوا القلب شُروخ 💔
عِشنا الرعب .. وشوفنا الخوف
وموتنا .. بِدال المرة ألووف
شهيدِك .. طالِع مِن بيتنا
و مُصابك .. هُوا مُصيبتنا
نهارنا حزن .. وليلنا كابوس
دم الأطفال .. يِدينا دروس
يِكشِف عورتنا ..
وعَ الجرح يِدووس
وصرخة أب .. بينادي ولااادي
و لوعة أم .. كانت بِتدادي
في الأشلاء ..
تحضُن و تبووس 😭
يا فلسطين 🇯🇴 يا فلسطين
حاسِين .. شايفِين .. سامعِين
ريحتك مِسك .. إسم الله عليكي
وطيور الجنة .. بتحوم حواليكي
ما الأطفال .. أحبابُ الله
وأحبابِك .. عندُه وفي حِماه
يا فلسطين 🇯🇴 يا فلسطين
حاسِين .. شايفِين .. سامعِين
و الصبر الصبر 🤌
يا جرح الأُمة .. هَتزول الغُمة
وهَييجي النصر ✌️
وهَييجي النصر ✌️
يا فلسطين 🇯🇴 يا فلسطين
حاسِين .. شايفِين .. سامعِين
والكُل حزين 😪
الكُل حزين
✍️ صفاء الطويل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.