بقلم . نجلاء علي حنفي عامر
قالتلي أرمي بياضك ياشبه
يبان الطالع ويبان اللى أستخبه
خوديلك حجاب خليه تحت المخده
قولتلها حيلك حيلك أهدي حبه
الحياة مش حجاب دى بالمحبه
والنصيب مكتوب من غير عليه ماأنده
والصبر عملاه مسندى وعليه سانده
جت ولا مجتش شاكره وحامده
والمكتوب ماشي عليه زى الناس ي حاجه
لامنه هروب ولا جمايل فى الزمن ده
ومتخفيش أنا واقفه على حيلى وجامده
أنا بنت عز والعز فستاني ومش أونطه
الحياة علمتني عايشه ومبسوطه وصابره
لو كانت الحياة بضرب الودع كانت هتبقى سهله
الحياة بالحب والعمل وفى الاخر مهياش مستاهله
أبعديني عن ضرب الودع خليه للناس الهابله
وسلام يابتاعة الودع أنتهت المقابله
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.