أول حاجه قالها أبويا وهو بيوصينيي
إحظر ياولدي من كل شئ علي العموم
وإوعاك في يوم ضهرك ينحني
ولأ توطي راسك للحزن والهموم
خليك راجل وفي شيبتي إسندني
حتى لو في الضهر عديت النجوم
ولو وقعت علي الأرض قول ياخالقنيي
وهو هايقويق وشد حيلك تاني وقوم
ولو عنيك في يوم دمعت يبقى بتهدني
وأنا بتقوا بيك خليك جمل صابور وكتوم
وإضحك من بره قلبك وسمعني
متخليهمش يقولوا عليك مهموم
حاضر ياأبوي وصيتك علي عيني
بس مش هقبل إن أكون مظلوم
وهاكون صنم زي ماإنت عاوزني
والإحساس عندي يكون معدوم
ياريت بالفعل ياولدي وترضيني
وكون للكل خادم مش مخدوم
ومتسبش حقك لحد ياولد عيني
وفي الحق كون مسمار مقطوم
وقولهم لما أدق مستحيل حد يخلعني
ولو ظلموك إعمل زي ماعمل شمشوم
هده علي الكل وخد الواحد بذنب التاني
ياولدي الحسنه تخص والغلط معدوم
وإنت في بحر الدنيا علي رميك أجبرتني
ياأبوي هاشرفك وهاكون بطل في العوم
ولو الريح شديدة هوطي لما تعديني
بعدها هانصب ضهري من تاني وأقوم
وإحزر ياولدي من الفكر علشان عزبني
وسهرني الليل وطير من عيني النوم
هاحسبها صح ياأبوي كيف مابتوصيني
المهم ياولدي الفرح حوليك يدوم
وأسمع عنك كل خير وعليك تطمني
من قلبي بدعيلك وكلامي ليك مفهوم
ومتنساش تفرح إللي حوليا زي مافرحوني
وعاوزك تيجيني ومنك متخلنيش محروم
إنت إللي في الباقي من عمري هتسندني
ودني وزورني حتي لو بينا سفر كام يوم
كان نفسي أكون معاك ومتغبشي عني
دي الدنيا وإنت بعيد عني كلها حزن وهموم
ربنا يرعاك ياولدي ويزرع في قلبك حنيني
ويجعل السما فوق منك صافيه من الغيوم
صموئيل فايق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.