من ديوان خواطر ابن حماد
كلنا فترات والدنيا مراحل ومحطات
فيها ناس عايشه في متاهات
وناس تايه في دوامات
دوري يا دنيا دوري بينا
شيلي وحطي وجيبي علينا
لفي يا دنيا كمان وكمان
هاتي الآخر قولي أوام
تايه الدنيا ولا تايه فينا الأيام
ننام وننام نصحى من أحلى الأحلام
نقوم ونقول دا حلم ولا جنون
فين راحت العقول فين سكنت الجفون
كلنا فترات والدنيا مراحل ومحطات
أهي دنيا وعايشنها
فيها أنين وأنين
فيها ناس تايهين مليانين حنين
وناس تانيين عايشين بردين
سكاكين سكاكين بتقطع فينا
شوق وحنين آنات وآنين
لفي يا دنيا كمان وكمان
لفي وهاتي آخرك مع الأيام
شيلي وحطي جيبي علينا
بكرا الزمن يضحك لينا
فاكرك فاكرك مش هنساكِ
مين كان زيك مين آساكِ
شايلك شايلك جوه ضلوعي
جوه القلب وساكنه خشوعي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.