(نبطي)
---------------------
حـبــك بقـلـبـي وكـــل الــحــب صـديـتــه
غيـرك مـن البيـض ماتطـري عـلـى بــالـي
.
أبعـدت حتـى القـريـب وشخـصـك ادنيـتـه
حطيت لك في خفوقي مسكـــنٍ عالــي
.
فتـحـت لــك بـــاب قـلـبـي ثـــم صكـيـتـه
غيـرك مـن الـنـاس مـالـه فـيـه مدخـالـي
.
انـتــي هـــواي ومـنــاي الـلــي تمـنـيـتـه
أشــوف كـونـي بـدونـك مظـــلـمٍ خـالــي
.
أجـمـل عـبـيـر الطبـيـعـه فـيــك شمـيـتـه
يـــا أجـمــل ايــــام عــمــري أول وتــالــي
.
محـبـتـك تـــاج فـــوق الــــراس حـطـيـتـه
أكــيــد بــه كـــــل عــذالـــك وعــذالـــي
.
غـيـرك عــن الـحـب انــا عـفـتـه وخلـيـتـه
القلـب مخصـوص لـك يـا الجوهـر الغـالـي
.
بـيـن الخفـوقـيـن حـبــل الـوصــل مـديـتـه
الله لا يـقـطــع احـبـالــك مــــن احـبـالــي
.
يهـنـاك عــــرشٍ وســط قـلـبـي تعلـيـتـــه
ويكفيـنـي انــك بـوسـط القـلـب حـلّالـــي
.
غـيـرك مــن الـنــاس لاصـوتــه ولا صـيـتـه
لا داعــب السـمـع يطربـنـي ويـحـلا لـــي
.
كـانــت حـيـاتـي بـدونــك مـجـدبـه مـيـتـه
واصبحـت فيـهـا سحـابـة صـيـف همّـالــي
.
وامطـرعـلـى واحـتــي غـيـثــك وهـلّـيـتـه
وصــار حـبــك بقـلـبـي نـبــع سلـسـالــي
.
واسقيت قلـــبٍ ظمـي بالحيـل وارويتــــه
واطـفـيـت الالام ثـــم احـيـيـت الامــالــي
.
هـــذا حبـيـبـي بـنــور الـعـيــن سـاويـتــه
أغليـه فــوق الـغـلا وارخــص لــه الغـالـي
.
شــوقـــه دعــانـــي وجـاوبــتــه ولـبـيـتـه
مـن غيـر مــا اشـيـر لا عـمـي ولا خـالـي
.
طوعـت الاحسـاس لـه والــروح واهديـتـه
قلـــبٍ على الصدق ذا شرعي ومنوالـي
.
قـدره علـى الـراس فــوق ا لـكـل علّيـتـه
مـا ارضـى بديلـه ولا يرضـى هــو ابـدالـي
.
طـيـفـه لـيــا زارنـــي بـالـحـيـل ضـمـيـتـه
واتـخـيـل انـــه حقـيـقـه مـــا تـهـيـا لـــي
.
حـيـاة قلـبـي رضـيـت اسـمـه وسمـيـتـه
اشراق فجـري وشمـس العمـر واظلالـي
.
كــانــت بــدايــة حـيـاتــي يـــوم لاقـيـتــه
وفيـت فـي الحـب لــه يــوم انــه اوفـالـي
.
يـانــاس لا تـنـشـدونـي لــيــش حـبـيـتـه
سعـادتـي فــي الحـيـاه الله كتبـهــا لـــي
.
بقلمي:د.مستورمحمدالحارثي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.