//////////////////////////////////////
دق على بابنا عمو العيد
جايه وجايب معو هموم
هم ضيافه ولبس جديد
والعيديات والزقوم
قلتلو مرحب هلا بالسيد
اللي بخيرو علينا يعوم
////////////////////////////////////////
قال كيف حالكم انشالله تمام
قلنا برنجي وعال العال
الشرب آهات والاكل خمام
الدمع بعيوننا ببوح بالحال
اللحمه نشوفها بالاحلام
تفسيرا ياويلكم اكلا محال
كلامنا صدق لاتظنوا كلام
احلفلك أسمي صار محروم
////////////////////////////////////////
دخيلك عيدي حن علي
استعجل شد الخطوه قوام
كل دقه بقلبي بتصرخ أي
وكرشي يقللي أنا منضام
يمغص يقرقع كل شوي
يقللي رح بتصير عضام
كرامه لاالله يااهل الحي
ادعوا ع حالنا هيك مايدوم
/////////////////////////////////////////
شد عزماتك ياهالعيد
دخلك روح يكفانا عذاب
قهر وهموم وعلى تنهيد
وبتسألني شو الاسباب
الغلا ببلدنا علينا السيد
والراتب مسجل عنا غياب
عم يطربنا يقول ويعيد
الهوى غلاب ياام كلثوم
//////////////////////////////////////////
شعر ؛ d,, نذيردهان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.