(32)
لسـة خـايفة
كلمات / عماد المأمور
****
طريق واخترت أكون فيه
ومديت إيدي ليكي
وقبل ما ألمسك هربتي
ولقيتني مش لاقيكي
كنت فاكر هنكون سوي
وتنور طريقنا عنيكي
خفتي وهربتي ليه ؟
ده الحب بيقوي
مش بيدوس عليكي
والنهارده
مادد لك إيدي
تعالي
وبصي لبكرة بعين الأمل
وسيبك من بحر الخوف
ونرسم علي صفحة الميه
من الحب حروف
كل حرف مدرسه ودرس
للعشاق معروف
*****
وصدقيني
علي حبك عايش
وبالأمل مستني
والحب لينا فاتح إيده
والدنيا واقـفة بتهني
والعشاق حوالينا
بترقص وتغني
مستنية عـروسة الحب
اللي واقفة بعيد عني
أرجعي حبيبتي أرجعي
أنا ليكي مستني
******
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.