:
شد لعصا من لوسط***
شد لعصا من لوسط
تْبان لك الصورة
كل مشكورة مكَعورة
كثرة قصي غَلي وزلط
شي لاعب بالريال والدولار
بالنصب والخطفة عاد شفار
ؤ شي ماد يدو مغلوب بالغمة محنط
شد لعصا من لوسط
يتقادو خطواتك
يتسواو امام الله كفاتك
ؤ ل فرط راه يكرط
ربي وصى في الامور بالوسطية
لا ميل لا عووجية والحقوق محضية
فبلاما تميز وفي حق لغير ما تفرط
عنداك تعود ظالم جبار
يغريك الشيطان وتسقي خوك لمرار
تضمن راحة البال بشقاه ...
وعلى هناه وسعدو تخلط وتجلط
ؤ ذاك ل عربط
ذوقو لحنظل
زيد علية الطماع ولمصندل
بل كل شفيفير ب لكذوب مخرط
عجباه طبقتو
واخا شبع حتى حاجة ما كفاتو
وحبيبو ل يقبل رايو ...
يشهد الزور وعلى روينتو يصفق
اما ذاك الحر فقهرو الزمان
شد بيدو واسقيه عزة وأمان
رد لو اعتبارو ...
راه داسو شلاهبي قصاه وعليه عفط
فشد لعصا من لوسط
لا ضر لا ضرار
بحال بحال وخا المقام كلشي بشار
لا تمييز لا نهب...
ول وْسَخ لبلاد كرط وسيق
الكحلة كحلة على الجميع
ماشي يدفع ثمنها محتاج ل وضيع
تعم العدالة
يذوبوا قلوب لكياص والنذالة
ل ذبحوا لفرحة ...
خلاو لعديم في الظلم يتمرمط
شد لعصا من لوسط
لا تنحاز ؤ لا تفرط
ذيك الساعة سوي وتراتك
عبر عبار واحد غربل رناتك
يرجع الأمان ...
والفاسد بالماء والشطابة يتسيق
بل حسابو الحاويات
ما دار عند مولاه فين يبات
طغى وتعدى ...
و ما بقى يخاف وزاد زعرط
شد لعصا من لوسط
ؤ عنداك تفرق...
وفي حق لهزيل لا تفرط
تسالي لغة باك صاحبي يا فلان
تعود الطيور لمهاجرة والسمان
يعم لخير والنقاء...
المساواة والعدالة فقلب دقق وخطط
شد لعصا من لوسط
***الشاعر والزجال:أحمد الكندودي ***المغرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.