أنا مش هعتب عليكي
ولا هعتب علي الخيانه
قلبي كان بين إيديكي
وماصونتيش الأمانه
ولا هعتب علي الجراح
ولاعلي أنين السنين
ولاعلي عمري اللي راح
وقلبي اللي فوتيه حزين
@أنا مش هعتب عليكي@
أنا ياما صبرت أداري
واقول صبرك ياقلبي
وإنتي بتزيدي ناري
ولايوم قدرتي حبي
سمعت صوت غرورك
وياما كدبت إحساسي
صدقت زيف شعورك
ومرك كان رحيق كاسي
@أنا مش هعتب عليكي@
روحي لفي كل الكون
دوري علي حب تاني
مش هتلاقي قلب حنون
يعشق قلبك الأناني
ولاعاشق زيي يكون
حتي لوكان مكاني
أنا كنت ليكي عمرك
وإنتي بعتيه في ثانيه
حبي أنا ليكي غرك
خلاكي واحده تانيه
@أنا مش هعتب عليكي@
ضيعتي قلبي بإيديكي
وقتلتي عشق السنين
مش هندم يوم عليكي
ولاعمري هكون حزين
ومهما الندم يكويكي
مش هيجبني الحنين
ولاكل دموع عنيكي
هيخلوا قلبي يلين
عشت عمري أشتريكي
بعتيني إنتي لمين
@أنامش هعتب عليكي@
أنا مش هعتب عليكي
ولا هعتب علي الخيانه
قلبي كان بين إيديكي
وماصونتيش الأمانه
تحياتي
الاعلامى الشاعر وليد النميرى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.