_عبد خلف حمادة
::::::::::::::::::::::::::::::::::
يم العيون وساع،برمشچ سحرتي الكل
لو عشت عمري أنا،حدچ أنا ما مِل
برياض حسنچ تهت،شفت الورد والفل
والريمة اللي عبرت،شط الفراه يَمِيْ
صابت بسهم اللحظ،چبدي وصحت يَمي
يوم المنى لو صرت،أبوچ هو عمي
وأسگي ورودچ أنا،ريجچ عسل عالحِل
اسمچ سَحَر والسِّحِر،كلو بميزانچ
السين..ست النسا،محد بلغ شانچ
الحاء..حُسن الخلق،فوگ الحلا زانچ
والراء..ريت العمر،يرجع وأناسبكمْ
وان چاد حزت الرضا،وآني أناسبكمْ
أروح فدوة إلچ،وألعن أبو السبكم
وأشنشلچ بالذهب،من الحجل لعرانچ
::::::::::::::::::::::::::::::::::
مع تحيات الشاعر والكاتب عبد خلف حمادة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.