_عبد خلف حمادة
٪٪٪٪٪٪٪٪٪٪٪٪٪٪٪٪٪٪٪٪
بكير طل القمر
وتحرقصوا النجمات
غيرانه حتى الشمس
من طلعتو بالذات
مافي بحلاة البدر
تشكي الهوى النسمات
صاب بغرامو الدني
عشقانه كومايات
ما في لحبو دوا
غير اللقا و بوسات
جورجينا تاج الحلا
و سلطانة الزينات
يم الظفاير شقر
و خدود غمازات
و شفاف طعم العسل
وعيون دبَّاحات
الجيم..جوري وعطر
تسلم لي هالوردات
والواو.. وحي الشعر
مسكونة بالنغمات
والراء..روحي أنا
تمشي مع النبضات
والجيم..جنة عدن
تسلم لي هالغمزات
والياء...يوم الهنا
تقرين هالكلمات
بلكي بعين العطف
لكاتب الأبيات
نظرة حنان ورفق
من عيونكِ الحلوات
والألف..أنتي المنى
يا عذبة الهمسات
حبك أسر مهجتي
وغرقني بالدمعات
جورجينا لو ترحمي
وتحيي فؤادي المات
ونعيش قصة سوا
أنتي وأنا الحكيات
جوا رموشي أنا
بشيلك عن البردات
*******************
مع تحيات الشاعر والكاتب عبد خلف حمادة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.