بقلمى : عماد المأمور
*****
عارفه
برغم السدود اللى
عملتها بإيدى
مش هابطل كتابه عنك
أو ليكى
وعارف إنك مش ليا
ولا أنا ليكى
يمكن تستغربى كلامى
بس دى الحقيقه
عشان بخاف عليكى
وحظى قليل
ومش بإيدى
ولما إتقابلنا
لقيت إيدك
مش فى إيدى
لكن
بحبك وهفضل أحبك
وحبى إدمان
مهو إنتى
الأمل والنور
اللى فى حياتى
وأسمك
مستحيل أنساه
ولو نسيته
الموت أولى بيا
والسعاده منى
أمنيه ليكى
إسمك على لسانى
ليل ونهار
هبه من السما
وهدية من ربنا
وحياة عنيكى
إنتى نور
ونور طريقى
وصورتك تقولك
بدوب فيكى
لكن غصب عنى
بينى وبينك
السورعالى
وممكن أعديه
لكن ساعتها
هخسرك قبل إيدى
ما تلمس إيديكى
ومش هستحمل
دمعة عنيكى
وكفايه طيفك
بيعوض بعادك
ويسمعنى صوتك
لحظة ما بناديكى
وبتقولى أنا هنا
واقفه جنبك
سامعه نبضك
بينادى إسمى
وعارفه
إنى فى قلبك
وساعتها بحس براحه
وأنا واقف أدام عنيكى
ولو قلت بحبك
أبقى كداب
أنا عاشق ياعمرى
عاشق كل مافيكى
*****
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.