وتلمح طيف هواك ساكن في نن العين ومهما تقول
ماهوش بهدى ولا برضى بحبة من جمال حسنك.. ده كل مناه تكون جنبه هنا على طول
نهاري وليلي بتمنى انول الوصل واتهنى ولا مرة راح اشبع من قطوف ودك وشهد غرامك المعسول
دانا حبيت ووقت الوجد يسحبني الغرام لهواك .الاقي روحي تايهة معاك وماشية سكة للاشواق ما فيها وصول
بلاش تقسى على قلبي .وتظلم بالظنون حبي..ولو شاكك في صدق هوايا قرب لي.. تلاقى الفكر يا عمري بهواك مشغول
بلاش تقسم جمال الشوق ...وتطرح من سنين العمر احلى ما فيها بظنونك ..دانا هاضرب بكل قواعد المنطق عروض الحيط وهاجمع فرح ايامي في ظل وجودك الساحر وانا المسئول
جمال في جمال يساوى امال بتتحقق ودنيا مليها بغرامك رضا وقبول
عبير شوقك بيكتب لك ..ويوصف لك ضنا حاله في اوقات انشغال فكرك ولاجل ما تفهم المدلول...يا ريت تقرا الحروف بهدوووووء وتقفل باب ظنون بيننا كل غرضها مالاخر هوانا يزول...
عبير الصلاحي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.