..................
كل ما النوم يجي لعيني
طيفك يزورني يصحيني
وتنام عيونك
وانا سهران
وشاغل لي بالي
وهاجرني
تنام عيونك
وانا سهران
وانت سعيد و متهني
ولا يوم تفكر تواسيني
او حتى تغلط وتجيني
وتقول سامحني وعديلي
اشكي الجفا منك ليا
ولا شماتت العزال فيا
وكلامهم الجارح عني
بيصحي جرحي ويحزني
قول يا حبيبي الروح والعين
ايه اللي خلاك تتغير
تهجر وتقدر تنساني
ياما سامحتك من غير
لوم ولا بعادك ٱساني
ولا علشان عرفت
اني بسامحك
وتكون ظالمني
وأصالح
بتزيد عنداك و بعادك
كتر الجفا منك بيزيد
علمت قلبي يبقى عنيد
وبحاول اهجر وابقى بعيد
تصبح عيونك سهرانه
وتبكي أنت وابقى سعيد
وتباتي انتي الحيرانه
علشان ٱساكي علمني
ازاي اعرف انساكي
يمكن في يوم يجيني
النوم وتبقي انتي السهرانة
.................
د.ناصر خضر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.