ة ب اللهجة المغربية
شكون كان يݣول ؟
شكون كان يڭول
نتلاقاو ف حلمة
شكون كان يڭول
نعاودو سيرة لبغو
ظلمة
شكون كان يڭول
تشوفني ليه
ونشوفك ليه
نتخطاو حدود لمحبة
ف كلمة
شكون كان يڭول
بللي الهضرة ف سطر
تالف حكمة
شكون كان يڭول
تنزلني عينيك دمعة
تطيح عليا وزر
تطيح عليا جمر
جمرة ف موتي قسمة
شكون كان يڭول
تموت محبتي فيك
تعمى شوفتي فيك
تسيح لقُبلة ف كلمة
شكون كان يڭول
الفرح عندو وقت
ف مسرب لحروف نشوة
ف خْوايا هجران
ف سكوتي قَسوة
ف ضعفي خدلان
شكون كان يݣول
جوع اللحظة عْمر
حافر جذورو قْبر
شكون كان يݣول
خطوات لقانا تثْقال
جناح لبغو تْقصُّو هبال
تسيحو تعنيݣة مخطوفة
تسربو من كبَّة لعمر
شكون كان يݣول
تلقاني ليه
نلقاك ليه
ف سراب تنهيدة
تلوح الناشف ف عروقي جْمَرْ
بْرَدْ لَكلامْ
النَّازلْ على شوفتك فيا
السايح ف لهفة
تَرْدَمْ ف سْكَاتْنا
تَقَسَّمْ من روحنا
ذْبَلْ الخاطرْ على صهد
محبتك ضَرْ
جيتني يا الشوق الغالي سْطَر
مكتوب بين لوح عذابي قْبَر
ما فاهم ف خْفَا لبغو حَرْ
بقلم إلهام التونسي /المغرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.