انا فلاح ابن فلاح
وابويا من الشقا
فاس الارض شق ايدة
قسمها نصين رسم العلم
فوق كفين ايدة
وامي ست مصرية
وقت اللزوم عصرية
وساعة الجد تقلع وتزرع
من العصاري للفجرية
بحب الارض قلبها ينابيع
من نهر النيل مروية
تراب الارض مغزول
علي توبها لابتلبس
مكسي. ولامشجر
زي الوتد واقفة علي
الأرض صالبة وعافية
انا فلاح ابن فلاح
ودي ارضي ودا نيلي
ارويها من عرقي
تشرب شرايني
بقلم عبد المنعم مرعي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.