*************
اشعار / ياسر عبد الحميد
______________
انت يا بني ادم،، انت يا انسان
قول،، الاسم،، و السن و العنوان
الاسم/ عبد من عباد، الله
مشيت في حياه بطول عمري
و السن كان تسنين بمعني الاه
و خلق الله،، شافت قدري
و عنواني / بلاد،، الله لخلق الله
طريق مفتوح أسير و اجري
انا مواطن، انا من الشعب
و صوتي بييجي في التعداد
انا الحافظ في جدول ضرب
علي جسمي انا المحروم في طعم الزاد
و كنت مفكر الدنيا
تساع كل اللي عاش فيها
ما جاش علي بالي لو ثانية
تزل عاليها في واطيها
و ترفع ناس لمستويات
انا اصلا ماليش فيها
بيتعالوا علي الشحات
و بيباركوه بتوبيخهم
دا، متسول يا ريت لو مات
ح يعملوا حفلة،، لتاريخهم
مانيش حاقد علي الطبقات
انا غيرهم، بنام و الدنيا سارقاني
انا المحروم في حق الزاد
سؤالي،، في حقي ليه بعاني
انا الظالم، انا المظلوم، انا الجاني
ساعات بصرخها جوايا
و الاقي نفسي سمعاني
_____________
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.