ياواد ياأنت
من دلوقتي خلاص
ماتقدرش تلعب بيه
ولاتفارقني ولا ثانية
قلبك يامسكين
بقى بين ايديا
خدته منك غصب عنك
وحضرتك
بقيت من غير قلب دلوقتي
يعني ولا بنت في الدنيا
ترضى بيك
لانك راجل من غير قلب
هاتقدر تحبها ازاي
ان كان يطلع في ايدك
اشتري قلب تاني
--------------------
ارجوك ياحياتي
اتوسل اليك
رجعيلي قلبي تاني
ماقدرش اعيش من غيره
هاموت وانا ناقص قلب
اوعدك ياعمري
اني هابقى مخلص ليك
------------------
ماتحاولش تأثر بيا
او حتى تضحك عليا
العب بعيد ياشاطر
قلبك خلاص بقى ملكي
وانا حره فيه
ومستعدة اعملك وصله منه
عشان تغذيك وتبقى عايش
رهن ايديا
واخبيك برمش عنيا
ولاخليش اي واحدة
تاخدك مني
كده اكون استريحت
لانك انت وقلبك
بقيتوا تحت امري
-----------------
يعني مافيش فايدة
اعمل ايه عشان ارضيك
وتردي قلبي ليا
-----------------
ماتحاولش
حتى قلبك مش راضي بيك
وبيترجاني يبقى معايا
اصلك عذبته كتير
لما كان عندك
كنت تنقله كل يوم
وكل دقيقة من واحدة لوحدة
لغاية ماتعب منك
ومصمم يبقى معايا
---------------
سمعا وطاعة مولاتي
انا وقلبي
رهن اشارة من عيونك وسحرهم
ومن جمالك وفتنتك
ياروحي ونور عنيا
---------------
وهكذا جزاء كل جنتلمان
يحب يكون دونجوان
ويعشق طالع نازل
كل ماشاف بنت قدامه
عارف البديوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.