================
كله زايل ........ كله زايل
اللي معدول واللي مايل
السنين ...... اوام بتجري
والزمن ...... يعمل عمايل
اللي كان .... مغرور بقوة
واللي قالوا عليها حلوة
الحياة تقلب .... فــ ثانية
تلقى كله ..... بتاخده نوة
الحياه موضوعها فكرة .!!
أنه كله ..... هيبقى ذكرى
كنت صالح .... ولا طالح
برضه رايح .... منها بكره
اللي نال .... سلطه ومال
واللي مهوس .... بالجمال
بص قولي .... ايه جرالهم
لو الزمن .... فــ ثانية مال
كله صار خبر وكان ..!!!
لما جار ..... عليه الزمان
يبقى ياللا نفوق ونفهم
قبل مايفوت الأوان ..!!!
نبتدي نعدل .... فــ حالنا
نحسن الظن ...... وآمالنا
ويكون صراطنا مستقيم
نلقى نعيم .. الدنيا جالنا
✍️ الشاعرة / زينب سليم أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.