الذين يرفضون أفكارنا ونصائحنا
ويعتبرونا رجعيين،،،طبعا ليس الكل،،،،وانشرها للمره الثانيه بناء على طلب احد الاصدقاء ،،
/////////////////////////////////////////////////////////////////////
يا أبني يامعذبني
بالازمه بتطلبي
ساعة مايصيبك هم
ع همومك بتصلبني
فهمني لوكان معقول
كرامه لالله جاوبني
***************************************
//////////////////////////////////////////////////////////////////
حندق بندق ياعيني عليك
دوم مفرفش وعم بتدور
امبارح مجنكل بإيد سلمى
اليوم ملفلف خصر بدور
وابوك درويش الله يعينو
من جوعو بتصرخ مصارينو.
الديانة تذلو تهينو
وانت مو سائل وعم بتجور
///////////////////////////////////////////////////////////////////
ياأبني أفهمني شفلك شغله
ساعد أهلك بالمصروف
أنت بجسم العيلة عله
وكإنك عميان مابتشوف
شو يعني بدك نكش بمسله
أفهام بالذوق وبالمعروف
كيف بترضى لأهلك ذله
وزعيق وخناق ونصب شرور
///////////////////////////////////////////////////////////////////
أبوك ابتهج يوم ماجيتو
فرح وعملك فرح مطنطن
جاب ضيافه وزين بيتو
رقص وغنى وكتير سلطن
قال اناعمري القضيتو
تعب نسيتو الله هون
رفعت إيدي لربي دعيتو
تقضي حياتك هنا وسرور
/////////////////////////////////////////////////////////////////
أبني حبيبي رح يساعدني
وحتما بدو يقللي أرتاح
بيهنيني وبيسعدني
من هاليوم أنا صارلي جناح
عن همومي رح يبعدني
ساعتها انسى كلشي جراح
كبر جنابو قللي أسندني
على هالحاله ماعادلي صبور
///////////////////////////////////////////////////////////////////
قلتلوياأبني شوف قدامك
عيله أخوه وام واب
قللي يابيي لف كلامك
, هي مشكلتك مالي ذنب
أتحرك اصحى من أحلامك
قلتلو يا ريتني مخلف كلب
قللي. أتركني عشت ايامك
بعتمه بدي اعيش بالنور
/////////////////////////////////////////////////////////////////
شعر ؛ d,, نذيردهان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.