*************
ما عادش دموع
لا، ايد تمسح علي الخدين
ولا مناديل تدوب م العين
ولا مسكين بقاله سنين
في وسط الضلمة بات يبكي
ما فيش اوجاع
و كل مباع صبح فالصوا
صلة ارحام لناس خلصوا
و ناس كانوا، لما بيحسوا
ما بيحسوش بمين، يشكي
ما عادش دموع
خلاص الدمع بقا يهرب
و كل الموت ما بيقرب
بفكر فيه و الاقي حنيني يتغرب
بإيدي زرعت، في الصبار عشان ارويه
و كبرته و عليته لجل اني اجنيه
و اخليه ذكري يجروا عليها يرووها
لاقيت توهة،، ما فيهم حد يوم قرب
و بستغرب،، في طبع، قلوب بتتغير
اسيرة شئ ما تقدر منه تتحرر
قلوب بتغيب عن الدنيا بأطماعها
و اوجاعها بتتجمد و مشاعرها بتتحجر
ما عادش،، دموع،،!!!
_____________
اشعار / ياعبد الحميد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.